الحقى يا بنوته ........ الحدث الاعظم بعد ايام .....اوعى يفوتك

السلام عليكم ورحمة الله و بركاته
اتمنى تكونوا كلكم بخير
باقي ايام على الحدث العظيم طبعا كله يرد و يقول اكيد مستعدين للماتش مصر و الجزائر و كله تمام و الضرب و الرزع يبقى رهيب و محضرين السلاح و كدا و كله تمام
لا يا جماعه مش قصدي الحرب دي ربنا يبعد عنا و يهدينا

حاجه اعظم شويه
ناس ترد و تقول المرتب لسه شويه عليه
لا يا جماعه فكروا شويه ،/ طيب اسهل الموضوع عليكم شويه
يوم الاربعاء القادم الموافق 18 نوفمبر
طبعا حتقولوا يوم عيد ميلادك و عايزه هديه ...... ربنا يسهلك
يا جماعة طيب ارد باجمل كلام؟

قال تعالى: {وَالْفَجْرِ(1) وَلَيَالٍ عَشْرٍ(2)} [الفجر:1-2]، قال ابن كثير رحمه الله: "المراد بها عشر ذي الحجة كما قاله ابن عباس وابن الزبير ومجاهد وغيرهم".

يا جماعة يوم 18 نوفمبر يعني الاربعاء القادم اول ايام ذي الحجه يعني اول ايام العشر
عن حفصة رضى الله عنها قالت
أربع لم يكن يدعهن رسول الله صلى الله عليه وسلم
صيام عاشوراء والعشر: أى من ذى الحجة وثلاثة أيام من كل شهر والركعتين قبل الغداه
رواه أحمد والنسائى

عن ابن عباس رضي الله عنهما قال: قال رسول الله صلى الله عليه وسلم: «ما العمل في أيّام أفضل في هذه العشرة، قالوا: ولا الجهاد، قال: ولا الجهاد إلاّ رجل خرج يخاطر بنفسه وماله فلم يرجع بشئ». [رواه البخاري].

قال تعالى: {وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ} [الحج:28]، قال ابن عباس وابن كثير يعني : "أيام العشر
عن ابن عمر رضي الله عنهما قال: قال رسول الله صلى الله عليه وسلم: «مامن أيّام أعظم عند الله سبحانه ولا أحب إليه العمل فيهن من هذه الأيام العشر، فأكثروا فيهن من التهليل والتكبير والتحميد». [رواه الطبراني في المعجم الكبير].

ايه رأيكم؟
فعلا هو عيد ميلاد كل شخص لانه ان شاء الله بالاسغفار و الصيام و تكثيف العبادات و خاصة الاسغفار كلنا حنكون لسه مولودين و اول يوم في حياتنا
يعني كل الذنوب تتغفر ان شاء الله

فاتك رمضان؟
فاتك العشر الاواخر من رمضان؟
فاتك ليلة القدر؟
فاتك فرص كتير للتوبه و الرجوع الى الله ؟
فاتك ايام و اوقات اجابه للدعاء ذي قيام الليل؟
يلا تعالى اغتنم فرصة نادره
بس انتبه؟
فيه ايه يا بنتي؟
الفرصه دي قد تكون الاخيره هل انت ضامن ان نعيش لرمضان او العشر ليالي السنه القادمه؟
لا طبعا
ابدا بنية التوبة
يلا كله يمسك الورقه و القلم و ينظم وقته من دلوقتي
عايز اساعدك ؟طيب صلي على النبي الحبيب صلى الله عليه و سلم
ابدا من دلوقتي مفيش وقت يلا
ابدا بالصلاه في مواعيدها و الالتزام بالصلاه و السنن

طبعا صلي ركعتين في الليل او حتى قبل ما تنام
ثانيا اجعل لسانك في اي مكان و اي زمن رطبا بذكر الله
الا بذكر الله تطمئن القلوب

ثالثا :اخبار صلة الرحم ايه ؟ يلا اسأل على اهلك و على اي مريض او محتاج و كان سيدنا ابو بكر كل يوم يسأل على مريض و يساعد المحتاج و لا يفوت اي صلاة جنازه
تعرف تبقى كده؟
وتأمل في خصال اجتمعت فيه في يوم واحد: قال رسول الله لأصحابه: { من أصبح منكم اليوم صائماً؟ فقال: أبوبكر: أنا، قال: فمن تبع منكم اليوم جنازة؟ فقال أبوبكر: أنا، قال: هل فيكم من عاد مريضاً؟ قال أبوبكر: أنا، قال: هل فيكم من تصدق بصدقة؟ فقال أبوبكر: أنا، قال: ما اجتمعن في امرىءٍ إلا دخل الجنة } [رواه مسلم].
و سيدنا ابو بكر كان يعمل دا كله في يوم عادي يعني ليس رمضان او يوم من الليالي العشر ما بالك بالايام المباركه؟

الحديث دا لو تم تطبيقه في حياتنا يبقى الشيطان لا يمكن يقرب ليك ابدا ، دا يخاف منك
طيب ابدا يلا ، يعني كل يوم اسأل على مريض و شوف المحتاجين طبعا ما اكترهم
و الصدقات ممكن جنيه واحد حتى ممكن طعام، ممكن مساعدة شخص بحل مشكله له
يلا نبدا من دلوقتي

لغاية يوم عرفة
الله الله الله الله الله
تعرف اليوم دا معجزه كل المسلمين من كل منطقه مجتمعين على الصيام و العباده و عمل الخير و ملايين مجتمعه على حب الله في عرفه
و دموع في كل مكان و قلوب نقيه نفسها تكون في عرفه
هل في دين جميل كدا؟
يجمع الناس كلهم في كل العالم على حاجه واحده
في يوم واحد
الله اكبر الله اكبر الله اكبر
بحبك يا الله الحمد الله اني مسلمه الحمد الله انك الله الرحيم الغفور الكريم صفاتك لا تحصى ،معجزاتك ابدع ما يكون
احمدك و اشكر فضلك

يتأكد صوم يوم عرفة، لما ثبت عنه صلى الله عليه وسلم أنّه قال عن صوم يوم عرفة: «أحتسب على الله أن يكفر السنة التي قبله والسنة التي بعده». [رواه مسلم].

لكن من كان في عرفة حاجاً فإنّه لا يستحب له الصوم، لأنّ النبي صلى الله عليه وسلم وقف بعرفة مفطراً.
وصلى الله على نبينا محمد وعلى آله وصحبه أجميعن.

تخيل المغرب في يوم عرفه و الملايين مغفور لهم
كانهم مولودين من جديد
ايه الجمال دا؟ الله اكبر الله اكبر الله اكبر
ايه رأيك؟
طيب مكسوف من ربنا؟
حاسس انه غضبان عليك اوووي؟
حاسس ان غلطت كتير؟
يلا استغل الفرصه و اوعى يوسوس لك الشيطان ان مفيش امل
لالالالالالالالالالالالالالالالالالالالالالالالالالالالالالالالالالالالالالالا
فيه امل كبيررررررررررررررررررررررررررر
لعلمك ربنا ممكن يغضب عليك اكتر لو انت يأست من رحمته
اصحى يلا و نظف قلبك من اليأس و الذنوب

اقولك حاجه اخيره
روى ثوبان رضي الله عنه قال: سمعت رسول الله صلى الله عليه وسلم يقول: «عليك بكثرة السجود لله فإنّك لا تسجد لله سجدة إلاّ رفعك إليه بها درجة، وحط عنك بها خطيئة». [رواه مسلم]، وهذا في كل وقت
الحديث دا جميل اوووووي السجود يقربك من الله
و الصدقات تطفئ غضب الله
يلا ابدا
و خليك مع صحبة صالحة دي اليد اللى ان شاء الله تثبتك و تبقى معاك
مفيش حد تعرفه؟
احنا معاك مش حنسيبك
يلا بقا مفيش حجه ليك

و اخر كلام انهي بيه هو احلى الكلام عن الليالي العشر

قَالَ رَسُولَ اللهِ صَلَّى الله عَلَيْهِ وَسَلَّمَ: "أَفْضَلُ أَيَّامِ الْدُّنْيَا أَيَّامُ الْعَشْرِ، يَعْنِي عَشْرُ ذِي الحْجَّةِ"

منتظره ارائكم

شكرا طبعا لمروركم

بس انا هنا مش عايزه شكر الموضوع ده منقول

انا عارفه انه طويل و فى ناس كتير بترد من غير ماتكمل الموضوع

بس بالله عليكم كل وحده تدخل تقراه كله

و تقولى هى ناويه تعمل ايه فى ال10 ايام دول

علشان نعين بعض على الخير و ناخدثواب مع بعض

مستنيه ارائكم

ايه يا بنات فين الردود

لالا بأمانة يالؤلؤة انا قريت والله الموضوع وماشاء الله جمييييل جداااااااااااااااااااااااا

وان شاء الله انا ناوية اصالح صحابي اللى انا مخصماهم واوظب اكتر فى الصلاة

وان شاء الله هحمد ربنا كل يوم مش هخس يعني واكبر ربنا كل يوم واستغفروه كل يوم واسبحه كل يوم

ادعولى يابنات وادعو لكل بنات المسلمين بالهداية قولى آآآآآآآميــــــــــــــــــــــــــــــــــــــــن
الحقى يا بنوته ........ الحدث الاعظم بعد ايام .....اوعى يفوتك 821521

الحقى يا بنوته ........ الحدث الاعظم بعد ايام .....اوعى يفوتك 821521

جميل يا روءا اهتمامك بالموضوع

و جميل انك ناويه الخير بس كمان مفيش مشكله من الصيام المغرب دلوقتى باذن بدرى

و تبقى جدعه اوى لو قدرتى تقرى قران

و الله الثواب فى الايام ده اكتر من رمضان

يعنى المفروض نمسك فيها بايدينا و سنانا

انا بقى اقولكم انا ناويه اعمل ايه ان شاء الله

انا هحاول قدر الامكان انى اواظب اكتر على النوافل

و هحاول اختم فى الايام ده

و الصيام

و الاذكار

هقولكم فكره تانيه

ايه رايكم كل واحده تعمل لنفسها ورد

يعنى ايه ورد ؟؟؟؟؟؟؟؟؟؟

هقولكم

ورد ده زى جدول للمحاسبه

محاسبة ايه انتى هطلعى سغل التجاره علينا و لا ايه ؟؟؟؟؟؟؟؟؟

لا مش قصدى كده والله

طب قصدك ايه ؟؟؟؟؟؟؟

قصدى ان كل وحده هتعمل جدول تحاسب بيه نفسها

ازاى ؟؟؟؟؟؟؟؟؟؟

هقولك

كل وحده ناويه تعمل حاجه فى العشر ايام دول

تكتبها فى الجدول فى اول صف

و تكتب العشر ايام فى اول عمود
(زى جدول الحصص بتاع المدرسه )

و يوميا هعلم فى الجدول اللى انا عملته

و انا هحطلكم هنا صوره من الورد

اللى عايزه تطبعه و تعلم فيه مفيش مشكله

اللى عايزه تعمل هى برده مفيش مشكله

المهم ان كل وحده فينا تطلع من ال10 ايام دول بحاجه كبيره ان شاء الله

ده الورد اللى قولت عليه معلشوا هو غامق شويه

بس لو حد عايزنى اعمله واحد يقول و ان هعملهوله

ايه يا بنات مفيش حد هيعمل حاجه فلا العشر ايام ده و لا ايه

لو عملتيلى يا لؤلؤة
يبقى جزاكى الله خيرا

ههههههههههههههههه

اوك يا تسنيم

من عينيه

اختك معاها واحد على فكره

» بنوته جديده وعايزه اتعرف عليكم
» نكت بنات صح............اوعى تبطلى ضحك
» عمرو دياب واليسا ايام الامتحانات